Админ
Сэтгэгдэл 0
Барилга, хот байгуулалтын сайд Ц.Даваасүрэн "Шинэ Хархорум" хотын бүтээн байгуулалтын асуудал хариуцсан захиргаанд ажиллаж, хотын Ерөнхий төлөвлөгөөний боловсруулалт болон бусад ажлын хүрээнд мэдээлэл сонслоо.
“Хархорум хотыг сэргээн байгуулах тухай” Монгол Улсын Ерөнхийлөгчийн зарлиг, “Орхоны хөндийд "Шинэ Хархорум" хот байгуулах тухай” УИХ болон Засгийн газрын тогтоолын дагуу хотын бүтээн байгуулалтын асуудал хариуцсан захиргаа байгуулагдан ажиллаж байна.
Тус захиргаа "Шинэ Хархорум" хотын Ерөнхий төлөвлөгөөг боловсруулах хүрээнд судалгааны ажлууд дээр төвлөрөн ажиллаж байгаа талаараа сайдад дэлгэрэнгүй мэдээлэл тавилаа.
Барилга, хот байгуулалтын сайд "Шинэ Хархорум" хотыг сэргээгдэх эрчим хүчний нөөцлүүртэй, эко ногоон хот болгох чиглэлд анхаарч, дэд бүтцийн төлөвлөлтүүдээ хийх ёстойг албаныханд сануулж, холбогдох үүрэг чиглэлүүдийг өглөө гэж БХБЯ-наас мэдээллээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд NEWMM.mn хариуцлага хүлээхгүй.