Нийслэлийн “Амгалан” амаржих газар төрөлжсөн мэргэшлийн эмнэлэг нь угаалгын хэсэгтээ Испани улсын “Domus” үйлдвэрийн том оврын угаалгын машин, хатаагчаар бүрэн тоноглогдлоо. Үйлдвэрлэлийн зориулалттай том оврын угаалгын машин, хатаагчийг суурилуулан ажиллагаанд оруулснаар эмнэлгийн зөөлөн эдлэлийн угаалга, ариутгалыг олон улсын стандартын дагуу хийж гүйцэтгэх бүрэн боломжтой болж буй юм.

Угаалга, ариутгал нь эмнэлгийн бүх төрлийн тусламж, үйлчилгээний салшгүй хэсэг бөгөөд стандартын дагуу чанартай хийж гүйцэтгэх нь үйлчлүүлэгчдийн аюулгүй байдлыг хангахад чухал нөлөөтэй билээ. “Амгалан” амаржихад угаалгын иж бүрэн тоног төхөөрөмж нийлүүлэх ажлыг гүйцэтгэсэн "Зохис электрик" ХХК нь нийгмийн хариуцлагынхаа хүрээнд “Domus” брэндийн уурын индүүг тус эмнэлэгт бэлэглэжээ.