Сэтгэгдэл 0
“Сэтгэлээрээ эмчилье” аяны хүрээнд дүүргийн хэмжээнд үйл ажиллагаа явуулж буй иргэн, төр, хувийн хэвшлийн аж ахуй нэгжүүд сэтгэлээрээ нэгдэж, мөнгөн болоод эм эмчилгээний хэрэгслийн хандив өргөсөөр байна.
Өнөөдрийн байдлаар ажлын хэсэг цугласан мөнгөн хандиваар нийт 80 ширхэг эмчилгээний багцыг бэлтгэж, "Ковид-19" өвчнөөр өвчилсөн дүүргийнхээ зорилтод бүлгийн иргэдэд тарааж байгаа бөгөөд цугласан эм, эмнэлгийн хэрэгслийг дүүргийн Эрүүл мэндийн төв болон хороодын өрхийн эмнэлгийн төвүүдэд хүргэлээ.
Баянгол дүүргийн ИТХ-ын ажлын албаны санаачлагаар зохион байгуулагдаж байгаа “Сэтгэлээрээ эмчилье” аянд иргэд, албан байгууллагууд нэгдэхэд нээлттэй гэж Баянгол дүүргийн ИТХ-аас мэдээллээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд NEWMM.mn хариуцлага хүлээхгүй.